Басты бет » Колледж қызметтері

Колледж жатаханасы


Жарылқасынұлы Абай

Жатахана тәрбиешісі

 

Қызылорда медициналық жоғары колледжінің студенттік жатақханасы Ғ. Мұратбаев 1В көшесінде орналасқан. Колледждің студенттік жатақханасы басқа қаладан келген студенттердің тұруына арналған. Жатақханада тұруға қолайлы жағдай жасалған. Студенттік жатақхана пайдалануға 2019 жылы берілді. Жалпы ауданы-3382 м. ш., қабаттылығы-5, жатақхананың тұрғын алаңы- 1874 м2, тұрғын бөлмелер саны-94.

Екі, төрт  және алты орындық бөлмелерден, кіреберістерден, санитарлық тораптардан және душ бөлмесінен тұратын секциялық жүйе құрылды. Жатақханада оқу залы, демалыс бөлмесі, буфет, кір жуатын бөлме және ашық аспан астындағы спорт алаңы бар. Әр қабатта газ плитасымен, микротолқынды пешпен, тоңазытқышпен жабдықталған тұрмыстық бөлме жұмыс істейді.

Жатақханадағы өзін-өзі басқару органы студенттік кеңес болып табылады, ол студенттік кеңес төрағасының және қабаттар старосталарының қызметін үйлестіреді, қоғамдық және мәдени-көпшілік жұмыстарын жүргізеді. Ішкі тәртіп ережелері колледж әкімшілігімен әзірленген және жатақханада тұратын барлық студенттерге таратылады.

Жатақхананың өмірі, атап айтқанда: күн тәртібі, қоңырау кестесі, ауысым кестесі, түрлі хабарландырулар көрсетілетін ақпараттық стенд бар. Жатақхана өртке қарсы дабылмен, бейнебақылау жүйесімен, өткізу жүйесімен жабдықталған. Жатақханада колледж оқытушылары мен полиция қызметкерлерінің кезекшілігі ұйымдастырылады. Жатақхана студенттері оркестрлік үйірмеге қатысады, үстел теннисімен, баскетболмен, волейболмен, шахмат, тоғыз құмалақпен айналысады.

 

Фотогалерея
Сауалнама
Мұғалімнің жұмыс сапасын қалай бағалайсыз?

 жақсы
 қанағаттанарлық
 жаман

 
Хабарландыру
Видеогалерея
FOR PLAYER