Басты бет

Студенттерге


 

Құрметті Қызылорда медициналық жоғары колледжі студенті!

 

      Анықтамалық-жолсілтеме – білім алушыларға арналған және  колледждің ішкі тәртібінің ережелері, білім беру үдерісінің ұйымдастыру және рәсімдік нормалары туралы  жүйеленген қысқаша ақпараттардан тұратын   ақпараттық көздің бір түрі.  Сіз бұл анықтамалықтан өз құқықтарыңыз мен міндеттемелеріңіз, колледж студентінің  тек колледжді оқу барысы кезіндегі ғана емес,  сонымен қатар күнделіктегі өмір және одан тыс жерлердегі тәртіп ережелері туралы ақпараттарды таба аласыз. Анықтамалық-жолсілтемеден Сіз колледждің жастар және спорттық ұйымдары туралы ақпараттарды таба аласыз; сондай-ақ колледжде оқыту барысында, оның ішінде әлеуметтік қолдау мәселелері бойынша туындайтын сұрақтарға да жауап ала аласыз.

 

Бірінші курс студенттері 1 қыркүйекте «Білім күні» колледж және өзінің мамандығы жайындағы ең алғашқы ақпаратпен танысады. Одан ары қарай Сізге колледж студентінің анықтамалық-жолсілтемесі қол ұшын береді. Өтініш (жатақханадан орын алу, аралық аттестаттау мен мерзімінен бұрын тапсыруға рұқсат, оқу үшін төленетін ақынының мерзімін ұзарту және т.б.) үлгілері Сіздің бөлім меңгерушіңізде бар. Өзіңіздің тобыңыз бен жеке мәселеңіз бойынша туындайтын барлық сұрақтарды Сіз топ басшы, топ жетекшісі, бөлім меңгерушісі  арқылы  шешуге тиістісіз.

 

Олар көмек көрсете алмаған жағдайда,   Сіз директордың оқу және тәрбие жұмысы бойынша орынбасарларына өз өтінішіңізбен жүгіне аласыз. Директордың орынбасары өз құзыреттілігі шеңберінде Сізге мәселені шешуге қол ұшын береді. Сіз жүгіне алатын колледждің ең соңғы сатысы – Қызылорда медициналық жоғары ғолледжі директоры.  Директордың жеке мәселелер бойынша қабылдауы – сәрсенбі, жұма; сағ. 15.00-ден 17.00-ге дейін.

 

 

 

Қазақстан Республикасы

 

инд. 120001 Қызылорда қаласы, Ы.Жахаев көшесі 18 үй.
Тел/факс: 8(7242)-23-05-13;

 

E-mail: kzmedicalcollege@mail.ru
Ресми сайт: http://www.kzmedicalcollege.kz;

 

 

 

Банк реквизиттері:

КМҚК «Қызылорда медициналық жоғары колледжі»

Қызылорда қ. Жахаева көшесі 18

 БИН 990140000969

 Кбе 16

 Банк АО «Cбербанк»

 KZ80914152203KZ000BA

 БИК    SABKZKA

 

Сабақ уақытысы:

             1. 830-915         2. 1015-1100        3. 1230-1315        4. 1415-1500          5. 1600-1645

                 920-1005           1105-1150            1320-1405            1505-1550                 1650-1735

 

Құрметті, Қызылорда медициналық жоғары колледжінің студенті!

Сіз,  Қызылорда медициналық жоғары колледжінің студенті атандыңыз. Адам өміріне араша болатын жауапкершілігі мол, мамандықты игеруде Сіз әрбір жасаған сәтсіз қадамдарыңыз үшін жауап бересіз. Сондықтан да біз сізге колледж қабырғасында өзіңізді қалай ұстауға кеңестер береміз.

Ішкі тәртіп ережелері:

  • ғимаратқа кірген бойда сыртқы киімді гардеробқа тапсыруға міндеттісіз.
  • ер балалар бас киімін шешуі қажет.
  • сөйлеу мәдениетін сақтаңыз
  • аудиторияға кірер алдында ұялы телефоныңызды өшіріңіз.
  • сабаққа кешігуге болмайды, студент оқытушыдан бұрын келуге міндетті
  • оқытушылар келгенде орныңыздан тұрып сәлемдесу қажет.

 

Құжаттар:

Студент екеніңізді дәлелдеу үшін мына құжаттар қолыңда болуы тиіс:

  • Студенттік билет
  • Сынақ кітапшасы
  • Бэйдж

Бұл құжаттар міндетті түрде күнделікті жаныңызда болуы керек. Оқу ғимараттарына, кітапханаға кіргенде тексеріледі.

Сынақ кітапшасы – бұл сіздің негізгі құжатыңыз. Мұнда сессия қортындысы бойынша тапсырылған сынақтар мен емтихандар бағасы, оқу-өндірістік практика –бағасы т.б. жазылады.

Құжатыңыз жоғалған жағдайда оқу бөліміне  хабарлау қажет!

 

Сессия

Оқу жылы екі семестрге бөлінеді: қысқы және жазғы.

1) Оқу жоспарының кестесі әр оқу ғимаратының бірінші қабатында фойеде ілінген. Кестеде оқу, сессия, демалыс, оқу-өндірістік практика, мемлекеттік қорытынды аттестация мерзімдері көрсетілген.

2) Семестр соңында сіз барлық пәндерден сынақтарды, емтихандарды тапсыруыңыз қажет. Семестрлер арасында демалыс беріледі.

3) Семестр ішінде сіз оқу жоспарына сәйкес барлық тапсырмаларды орындауыңыз қажет.

Дифференциалды сынаққа, емтиханға - «үздік», «жақсы», «қанағаттанарлық» бағалары, сынаққа-сынақ деп қойылады. Пән бойынша «қанағаттанарлықсыз» баға алған студент оқу бөлімінің шешімімен академиялық қарызды қайта тапсыруға жіберіледі.

Қайта тапсыру оқу бөлімінің жолдамасы бойынша жүргізіледі. Егер студент қайта тапсыру кезінде «қанағаттанарлықсыз» баға алса, оқу бөлімі бір рет қайта тапсыруға рұқсат береді, қайта тапсыруды комиссия қабылдайды. 3 пән бойынша «қанағаттанарлықсыз» баға алған жағдай, студенттің колледжден шығарылуына негіз болып табылады.

Кітапхана:

Құрметті 1 курс студенті! Сіз колледж студенті атандыңыз. Біздің колледжге өзіңіз таңдаған мамандығыңызды игеру үшін келдіңіз. Internet арқылы алынған ақпараттарыңыз жеткіліксіз болған жағдайда колледж кітапханасының көмегіне жүгініңіз. Кітапхана сіздің дайындалуыңызға қажетті ақпараттық база болып табылады. Мұнда сіз әртүрлі оқулықтармен, монографиялармен, әдістемелік нұсқаулармен танысасыз. Кітапханадан кітап алу үшін студенттік билетіңіз қажет. Семестр аяқталған соң барлық өтілген пәндер бойынша оқулықтарыңызды қайтадан тапсырасыз. Ал келесі семестрге қажетті оқулықтарды қайтадан тіркетесіз. Егерде оқулықты жоғалтып алған жағдайда, сіз кітапхананың көмегін алу құқығынан айрыласыз, сондай-ақ басқа студенттердің осындай мүмкіндігіне кедергі жасайсыз. Сізден алған оқулықтарыңызды жоғалтып алмай, уақытында тапсыруыңызды өтініп сұраймыз. Оқулықты жоғалтып немесе уақытында тапсырмай, кітапхананың сізге басқа шаралар (экономикалық) қолдануына жол бермеңіз!

 

Топ жетекшісі (куратор) және студенттік топ:

Әр топтың студенттеріне көмек көрсету үшін топ жетекшісі бекітіледі. Ол пән оқытушысымен және үлгерім бойынша туындаған мәселелерді шешуге көмектеседі. Оқу және оқудан тыс шығармашылық  сұрақтарымен әрқашанда топ жетекшісіне сенім арта аласыз.

Топ жетекшісі Сізге колледж өміріне бейімделуге, ұжыммен етене араласуға көмектеседі. Ол Сізді Қызылорда медициналық жоғары колледжіннің жарғысымен, студенттің міндеттерімен, ережесімен және ішкі тәртібімен таныстырады.

Куратор топтың жақсы оқитын, белсенділерін сайлауға топқа ұсыныс жасайды. Топ старостасы тікелей топ жетекшісіне бағынады және оның тапсырмаларын орындайды. Топтың жалпы жиналысында топ старостасының    3 көмекшісін (топша старосталары), оқу мәдениет секторын, спорт секторын, тазалық секторын сайлайды. Олар барлық іс шараларды ұйымдастыруға өткізуге жауапты.

 

Студент міндеттері:

Орта кәсіптік білім берудің жалпыға міндетті білім беру стандарты бойынша директордың бұйрығымен белгілі тәртіппен колледжге қабылданған азамат - «Студент» атанады.

Студенттер міндетті:

  • Білім беру бағдарламасын жауапкершілікпен игеруге, жеке оқу жоспарын орындауға, сондай-ақ оқу жоспары және жеке оқу жоспарында белгіленген сабақтарға қатысуға, сабақтарға өз бетінше дайындалуға;
  • Колледж жарғысының талаптарын орындауға, ішкі тәртіп ережелерін, жатақханада тұру ережелерін, білім беру қызметінің басқа жұмысын ұйымдастыру мен жүргізудің сұрақтары бойынша нормативтік ережелерді орындауға;
  • Өз денсаулығын сақтау мен нығайтуға, рухани және физикалық дамуға және өзін-өзі жетілдіруге;
  • Білім беру қызметі ұйымының қызметкерлері мен басқа да оқушылардың абыройы мен атағын сыйлауға, басқа оқушылардың білім алуына кедергі келтірмеуге;
  • Білім беру қызметімен айналысатын ұйымның мүлкін сақтауға міндетті.

 

 

 

Колледж бөлмелерінде тыйым салынады:

  • Бас киім, спорттық киім, сыртқы киім киіп жүруге,  қатты сөйлеуге, (дөрекі)  шулауға, сабақ кезінде дәлізде журуге;
  • Колледж ішінде және территориясында темекі шегуге қатаң тыйым салынады;
  • Спирт ішімдіктерін және наркотикалық заттарды қолдануға, карта және басқа да құмар ойындарды ойнауға тыйым салынады.
  • Тәртіп бұзған жағдайда колледж әкімшілігі келесі тәртіптік жазаларды қолданады: ескерту, сөгіс, қатаң сөгіс және оқудан шығару.
  • Егер студент өз міндеттерін себепсіз үнемі орындамайтын болса, яғни сабаққа қатыспаса, колледж ішкі тәртіп ережелерін орындамаса, сабақққа мас күйінде келсе, оқудан шығарылады.

 

Студент назарына:

  • Егер денсаулығыңыз сыр берсе – медициналық пункт сізге көмек көрсетеді. Медициналық пункт ІІІ оқу ғимаратының бірінші қабатында орналасқан.
  • Қазақстан Республикасының Білім Заңына сүйене отырып, (жүктілікке, туберкулез және басқа да аурушаңдылыққа байланысты) академиялық демалыс беріледі. Академиялық демалыс алу үшін аймақтық емханадан анықтама алу қажет.
  • Сабақтан себепсіз 10 сағат қалған жағдайда ескерту қағазы беріледі;
  • 10 сағаттан көп себепсіз қалған жағдайда сөгіс беріледі;

 

Оқудан шығуға бұйрық беруге негіз болатын жағдайлар:

  • 3 немесе оданда көп емтихан тапсыра алмаған жағдайда;
  • Семестр ішінде 40 сағат себепсіз сабақтан қалған жағдайда;
  • Академиялық үлгермеушілік – 3 немесе одан көп пәндерден қортылмаған жағдайда;
  • Колледждің бұйрығы бойынша берілген мерзім ішінде қарыздарын жоймаған жағдайда;
  • Мемлекеттік қорытынды аттестацияны белгіленген мерзім ішінде тапсырмаған жағдайда;
  • Өз еркімен сабаққа немесе өндірістік (кәсіби) практикаға  себепсіз қатыспаған жағдайда (2 апта);
  • Бұйрық бойынша академиялық демалыстан белгіленген мерзім ішінде сабаққа қосылмаған жағдайда;
  • Оқу тәртібін өрескел бұзған, колледж ішкі тәртібін және жарғысын бұзған жағдайда;
  • Толық төлем ақылы топтарда оқитын студенттер үшін оқу ақысын толық немесе уақытылы төлемеген жағдайда (І семестрде – 50%, ІІ семестрде-50% төленуі тиіс);
  • Студенттің үстінен қылмыстық іс қозғалған жағдайда.

 

 

 

Шәкіртақы (стипендия)

Енді жақсы жаңалыққа келетін болсақ!

«Үздік» және «жақсы» оқитын студенттерге (бюджеттік негізде оқитын) мемлекет тарапынан шәкіртақы (стипендия) беріледі.

                Шәкіртақы (стипендия) сессия қорытындысы бойынша тағайындалады:

  • «үздік» бағаларға тапсырған оқушыларға (15 пайыз үстемемен);
  • «үздік» және «жақсы» бағаларға тапсырған оқушыларға
  • Шәкіртақы (стипендия) тағайындалмайды: егер қортынды баға, дифференциалды сынақ, емтиханды "қанағаттанарлық" бағаға тапсырған жағдайда (бір ғана "үш" алғанның өзінде).

 

Әлеуметтік-психологиялық көмек:

                Әлеуметтік жағдайы төмен отбасынан шыққан студенттерге ІІІ оқу ғимаратының 1 қабатында орналасқан психолог, әлеуметтік педагог мамандар әлеуметтік-психологиялық көмек және қолдау көрсетеді. 

Құрметті студент, колледжде бірқатар әлеуметтік көмектер қарастырылған.

Егер Сіз ақылы топта оқитын болсаңыз төмендегідей жеңілдіктерге ие боласыз:

Сессияны үздік бітірген студенттер оқу ақысын 10% жеңілдікпен төлеу немесе бюджеттік топтардағы ваканттық орынға конкурстық негізде ауысу.

 

Құқықтық көмек:

«Студенттік құқықтық кеңес беру» қызметінің көмегі қажет болған жағдайда  колледж заңгері мен студенттік кәсіподақ комитеті төрайымынан кеңес алуларыңызға болады. Колледж заңгерінің кабинеті     І оқу ғимараты 2-қабатында орналасқан.

Жатақхана:

Колледжде 300 орынға арналған жайлы жатақхана бар. Жатақханада студенттер өміріне қажетті жағдай жасалған:

  • бес қабатты заманауи ғимарат, бөлмелері секциямен орналасқан, бөлмеде 3-4 адамнан тұрақтанады;
  • әр асүйде екі электр плитасы, тоңазытқыш пен қысқа толқынды пеш;
  • душ бөлмесі, кір жуатын бөлме, кір кептіру;
  • сабаққа дайындалу үшін арналған бөлмелер;

Бөлмелер үлгілік нормаларға сәйкес жиһазбен жасақталған. Жыл сайын  студенттер бөлмелеріне   төсек алды тумба, аралас шкафтар, үстелдер, кереуеттер, орындықтар сатып алынады. Жатақхананың демалыс және өзіндік дайындық  бөлмелері  эстетикалық безендірілген. Онда   теледидар және музыкалық орталықтар орналастырылған. Жатақхана қажет болған жағдайда топ жетекшісіне ескертіңіз.

 

 

Студенттік жастар комитеті:

 

Бүгінгі күні студенттер білім алумен шектелмей, қоғамдық жұмыстарға да белсенді араласады. Бұл – тұлға болып қалыптасудың алғашқы баспалдағы.

Сізді колледждің қоғамдық өмірімен тығыз байланысуыңызға көмектесетін, бағыт-бағдар беретін колледждің студенттік жастар комитеті.

Студенттік жастар комитеті – жастар саясаты саласында қызмет ететін,колледж студенттерінің шығармашылық және қоғамдық өмірін ұйымдастыратын қоғамдық ұйым.

Комитеттің қызметі оқу үдерісіне ықпал етуге, түрлі шараларды, және де колледждің студент жастарының бос уақытын тиімді ұйымдастыруға бағытталған.

Студенттік жастар комитеті колледждегі «Денсаулық сақшылары» КТК, дебат клубы, «Жас Отан» жастар қанаты филиалы, «Жасыл ел» еңбек жасағы филиалы т.б. ұйымдардың жұмысын үйлестіреді.

 

 

 

 

 

 

 

 

 

 

ТІЛЕК

Құрметті студент! Қызылорда медициналық жоғары колледжінде алған білімің болашақ жұмысың мен мансабыңда көмектеседі.  Бірақ сен де өзіңнің Alma-mater беделін қолда!  Уақытыңды босқа жіберме, білім ал. Жоғары санатты, бәсекеге қабілетті маман болып шығу үшін колледждің ғылыми және қоғамдық өміріне көп және белсенді қатысу қажет. Бұл қиын да қызық та жол!   Сәттілік!

 

 

 

 

 

 

 

 

 

 

Сабақ кестесі

2017-2018 жж. - 1 жарты жылдық

Емдеу ісі 1

Емдеу ісі 2

Мейірбике ісі 1

Мейірбике ісі 2

 

2017-2018 жж. - 2 жарты жылдық

Емдеу ісі 1

3 топ

4 топ

топ

15 топ

17 топ

26 топ

38 топ

41 топ

45 топ

46 топ

47 топ

57 топ

 

Емдеу ісі 2

2 топ

6 топ

10 топ

11 топ

14 топ

24 топ

27 топ

28 топ

31 топ

34 топ

40 топ

43 топ

54 топ

Мейірбике ісі 1

1 топ

12 топ

13 топ

16 топ

21 топ

22 топ

23 топ

29 топ

32 топ

33 топ

35 топ

37 топ

39 топ

42 топ

48 топ

49 топ

58 топ

64 топ

Мейірбике ісі 2

7 топ

8 топ

9 топ

19 топ

20 топ

25 топ

30 топ

36 топ

50 топ

51 топ

52 топ

53 топ

55 топ

56 топ

Фотогалерея
Сауалнама
Мұғалімнің жұмыс сапасын қалай бағалайсыз?

 жақсы
 қанағаттанарлық
 жаман

 
Хабарландыру
Видеогалерея
FOR PLAYER