ӨЛМЕЙТҰҒЫН АРТЫНДА ІЗ ҚАЛДЫРҒАН
Қызылорда медициналық жоғары колледжінде ардагер ұстаз Оспанов Аманжол Әбжаппарұлын еске алуға арналған рухани-танымдық кеш өтті.
Колледж ардагер ұстаздары, 1970-1990 жылдар аралығындағы түлектері, А.Ә.Оспановтың отбасы және туыстарымен колледж оқытушылары, студенттер қатысты. Рухани-танымдық кешітің алғы сөзі облыс медицина саласы ардагерлер кеңесінің төрайымы Көзденова Рая Әбдешқызына берілді. Ұстаздың өмірі мен өнегелі жолы туралы бейнеролик көрсетілді.
Кеште ардагер ұстаз Жұматай Сүйіндіков, әр жылдары бітірген шәкірттері Хабибашар Ерназаров, Тұрғанбай Тұрахметов, Әділхан Сағындықов, Абдуали Тұрғанов, Алмас Қаржаубаев, Ұлан Байбақтин, Сәкен Нұрымов, Сұлтанбек Сексенбаев, Аралбай Қозыбақов сөз сөйлеп, естеліктерімен бөлісті. Әр жылдардағы шәкірттері атынан Аманжол Оспановтың жұбайы Ұлжамал Зайырқызына, ұстаздарына, колледж директорының иығына шапан жауып құрмет білдірді. Бір студентке Аманжол Әбжаппарұлы атындағы шәкіртақы табыс етті. Оқу орнының спорт залына күрес алаңының кілемін, 10 дана волейбол добын сыйға тартты. Аралбай Қозыбақов өз отбасы атынан ұстаздарына қаржылай сыйлық табыстады.
Өз кезегінде Аманжол Оспановтың жұбайы Ұлжамал Зайырқызы ұйымдастырушы колледж ұжымы мен шәкірттеріне алғысын білдіріп, медицина колледжіне LED теледидар табыс етті.
Колледж студенттері қонақтарға концерттік бағдарламасын ұсынды.
