Қызылорда медициналық жоғары колледжінің студенті Республикалық байқауда жүлделі орын иеленді
«Бөбек» ұлттық ғылыми-практикалық білім беру және сауықтыру орталығы (бұдан әрі – «Бөбек» ҰҒПББСО, «Бөбек» колледжі) ҚР Оқу-ағарту министрлігінің қолдауымен техникалық және кәсіптік білім беру ұйымдары білім алушылары арасында Қазақ хандығының құрылғанына 560 жыл және Ұлы Отан соғысындағы Жеңістің 80 жылдығына арналған республикалық байқау өткізді.
Аталған байқау тарих пәнінен білім алушылардың теориялық білімін тереңдету, практикалық дағдыларын жетілдіру, өз бетімен жұмыс істеу, зерттеу қабілеттерін дамыту және дарынды білім алушыларды қолдау мақсатында ұйымдастырылды.
Байқауға Қызылорда медициналық жоғары колледжінің «Мейіргер ісі» бөлімі, 1 курс, 4 топ білім алушысы Рельс Қарақат Ақылбекқызы қатысып, үздік ғылыми жобасын сәтті қорғап, «Ерекше жоба» номинациясы бойынша диплом иегері атанды.
Қарақаттың ғылыми жетекшісі – колледждің «Қазақстан тарихы» пәнінің оқытушысы, педагогика ғылымдарының магистрі, педагог-зерттеуші Нұрпейісова Эльмира Серікбайқызы.
Жүлдегер студентімізді және білім алушылардың зерттеу қабілетін дамытып, оларды ғылымға баулып жүрген ұстазымызды шын жүректен құттықтаймыз!
