24 қазан – Кітапханашылар күні!
Кітап – біздің рухани құндылығымыз, теңдессіз байлығымыз. Өткен замандардың тұңғиық тереңінен сыр шертетін тарихты да, әдебиетті де, ғылым мен өнердің кереметтерін де кітапханадан табамыз. Кітапхана – оқырман мен кітап арасындағы алтын көпір. Ал кітап пен кітапхананың тіршілігіне жан бітіріп, ұлттық құндылықтар мен оқырмандарды жалғастырушы – кітапханашылар. Осы мерекеге орай «Дантист-55» тобының студенттері өзін-өзі басқару күнін ұйымдастырып, колледж кітапханасының қызметімен және қорымен танысты. Іс-шара барысында студенттер кітапханашылардың еңбегіне құрмет білдіріп, рухани қазына ордасының маңызын терең түсінді.
