“ҮЗДІК ЗЕРТТЕУШІ-МЕЙІРГЕР”
29.10.2024ж күні Қызылорда медициналық жоғары колледжінде, “Мейіргер ісі” мамандығы, “Қолданбалы бакалавр” біліктілігімен бітіруші 131,25 топтардан 8 білім алушылар арасында Мейіргер ісі негіздері” пәнінің оқытушылары- Ә. Қ.Әлімжанова мен Ж.С.Искакованың ұйымдастыруымен “ҮЗДІК ЗЕРТТЕУШІ-МЕЙІРГЕР” конкурсы өткізілді.
Конкурстың мақсаты: колледж студенттерінің «Мейіргер ісі» мамандығы «Қолданбалы бакалавр» біліктілігінің кәсіби құзыреттілігі мен практикалық дағдыларын дамыту; студенттердің оқу қызметін ынталандыру, олардың көшбасшылық және шығармашылық қасиеттерін ашу; медициналық кадрларды даярлау сапасын арттыру, кәсіби құзыреттердің тиісті деңгейін құру болып табылады.
Жалпы конкурс 2 кезең бойынша өтті: 1- кезең тест сұрақтарына жауап беру, 2- кезең курстық жұмысты қорғау.
2 кезеңнің нәтижесі және әділ қазы алқалардың шешімімен:
I орынды 25 топтан Мадениетова Динара- II орынды 131 топтан Оспанова Арайлым, III орынды 131 топ білім алушысы Мұстафаева Ғайнибат иеленді. Қалған білім алушылар белсене қатысқаны үшін марапатталды.
I орынды 25 топтан Мадениетова Динара «Мерзімінен ерте босану,шала туылған балаларға көрсетілетін мейіргерлік күтім ерекшелігі»
тақырыбы бойынша шала туылған балалардың әлем бойынша статистикасын, шала туылған балалардың күтімін, мейіргерлік күтім сапасын жақсартудағы заманауи әдістерді шетелдік зерттеулерден талдау жасады.
II орынды 131 топтан Оспанова Арайлым «Балалардағы васкулиттің жиі кездесетін түрлері мен емдеу ерекшеліктері» тақырыбын қорғады. Геморрагиялық васкулит – балалар арасында ең жиі кездесетін жүйелі васкулит түрлерінің бірі болғандықтан өзекті тақырып болды. Аурудың жиілігі мен ауырлығы медициналық бақылау мен күтімнің дұрыс ұйымдастырылуын талап етеді. Геморрагиялық васкулит көбінесе инфекциялық аурулардан кейінгі асқыну екені анықталып, зерттеу жұмысы жүргізілді. Шет елдердегі геморрагиялық васкулиттің таралу жиілігі жоғары екені зерттелді.
III орынды 131 топ білім алушысы Мұстафаева Ғайнибат «Темір тапшылықты анемияның жүкті әйелдерге және ұрықтың дамуына әсерін бағалау» тақырыбын қорғады. Анемия жүктілік кезінде ана мен бала денсаулығына елеулі ықпал етуі мүмкін, сондықтан бұл тақырыпты зерттеу қажеттілігі айқын. Темір тапшылығы анемиясы нәрестелердің төмен салмақта туылуына, шала тууға және баланың когнитивтік және психомоторлық дамуына кері әсерін тигізетіні анықталды. Осылайша бітіруші түлектер , шетелдік ғалымдардың жұмыстарымен, мақалалары мен зерттеу жұмыстарын жоғары деңгейде орындап шықты.
