«ССС – (Clinical Care Classification) клиникалық көмекті жіктеу жүйесі» тақырыбындағы облыстық семинар өтті
«ССС – (Clinical Care Classification) клиникалық көмекті жіктеу жүйесі» тақырыбындағы облыстық семинар өтті
Іс-шараны Қызылорда жоғары медицина колледжі мен Қызылорда облыстық білім басқармасының «Қызылорда облыстық оқу орталығы (әдістемелік кабинет)» бірлесіп ұйымдастырды.
Семинарға облыстық емдеу-алдын алу ұйымдарының бас мейіргерлері мен медициналық колледждердің арнайы пән оқытушылары қатысты. Барлығы 50-ге жуық маман тәжірибе алмасып, жүйені мейіргерлік тәжірибеде қолдану ерекшеліктерін талқылады.
Шара барысында қатысушылар ССС жүйесінің теориялық негіздерімен және оны әртүрлі пәндер мен клиникалық жағдайларда пайдалану әдістерімен танысты. Оқытушылар өз пәндері бойынша презентациялар ұсынып, тәжірибелік топтық жұмыстар ұсынды.
Семинар қорытындысында ССС жүйесін арнайы пәндердің оқу процесіне енгізу, жаңа модульдік оқу-әдістемелік кешен әзірлеу және мейіргерлер арасында тәжірибе алмасуды жалғастыру туралы ұсыныстар қабылданды.
Іс-шара соңында облыстық білім басқармасының оқу орталығының әдіскері Бексейтова Жанат Мнажқызы қорытынды сөз сөйлеп, қатысушыларға табысты жұмыс тіледі.
