Заңды білу – заман талабы: Колледжімізде құқық бұзушылықтың алдын алу шарасы өтті

2026 жылдың 10 қыркүйегінде Қызылорда жоғары медициналық колледжінің 1-курс студенттеріне арналған құқықтық сауаттылықты арттыру және жасөспірімдер арасындағы тәртіпсіздіктің алдын алу мақсатында маңызды кездесу ұйымдастырылды. Шараға учаскелік полиция инспекторы, ҚҚб ЮПб УПИ-ры Романов Батырбек арнайы қатысып, кәмелетке толмаған жастармен ашық әңгіме жүргізді.

Тәртіп сақшысы өз сөзінде 18 жасқа толмаған жасөспірімдердің құқықтары мен міндеттеріне тоқталып, Қазақстан Республикасының заң талаптарын қатаң сақтаудың маңыздылығын түсіндірді. Әсіресе, студенттердің сабақтан себепсіз қалмауы, қоғамдық орындарда және көшеде өзін мәдениетті ұстауы, эмоционалдық тұрақсыздық пен өзара қарым-қатынас мәселелерінде сабырлылық танытуы қажеттігіне баса назар аударылды.

Полиция қызметкері студенттерге келесідей маңызды ескертулер мен заң талаптарын жеткізді:

• Түнгі уақыттағы шектеу: Кәмелетке толмаған жастардың ата-анасының немесе заңды өкілінің ертіп жүруінсіз түнгі мезгілде көшеде және ойын-сауық орындарында жүруіне заңмен тыйым салынған.

• Жауапкершілік: Жасөспірімдердің тәртібі, тәрбиесі және сабақ үлгерімі үшін ең алдымен ата-аналар мен заңды өкілдер тікелей жауапты. Ал тәртіпсіздік жасап, қылмысқа бой алдырған кез келген жасөспірім заң алдында жазасыз қалмайды.

• Зиянды әдеттерге тосқауыл: Болашақ медицина мамандары ретінде вейп, шылым шегу, алкоголь өнімдері сияқты зиянды әдеттерден мүлдем аулақ болу талап етіледі.

Жиын соңында Батырбек Романов бүгінгі қоғамда өршіп тұрған қауіпті құбылыстар — топтық төбелес, әлімжеттік пен буллинг, лудомания (құмар ойындарға тәуелділік), сталкинг (артынан аңду), бопсалау (шантаж) және жыныстық тиіспеушілікке қарсы қылмыстардан барынша сақтануға, мұндай жағдайларға тап болса, бірден құқық қорғау органдарына хабарласуға шақырды.

Тәртіп бар жерде — тәрбие бар, тәрбие бар жерде — білікті маман бар!