Қызылорда медициналық жоғары колледжінде “СТУДЕНТТАР ҚАТАРЫНА ҚАБЫЛДАУ” іс-шарасы өтті.
Жыл сайын дәстүрге айналған мерекелік айтулы шарада оқу орнымыздың басшысы Тасмаганбетова Салтанат Сейтқалиқызы сөз алып, студенттерді осынау тарихи күнмен құттықтады! Қаламыздың 85 жылдық мерейтойы қарсаңында оқу орындар арасында өткен карнавалда Қызылорда медициналық жоғары колледжі жүлделі 1 орынға ие болды. Карнавалға қатысқан белсенді студенттеріміз арнайы алғыс хатпен сонымен қатар, қаржылай сыйақымен марапатталды.
Студенттеріміз ұрпақтан ұрпаққа берілетін ант қабылдау рәсіміне қатысып, өз оқытушылары мен өздерінен үлкен студенттер алдында салтанатты түрде ант қабылдады. Білім кілті тапсырылып, сынақ кітапшасы мен студенттік билет табысталды. Шарамыз концерттік бағдарламамен жалғасын тапты.
3 күнге созылған мерекелік іс-шара өз мәресіне жетті. Оқу орнымыздың 1000-нан астам 1 курс студенттері шараға қатысты. Осынау үлкен көлемдегі іс-шарамыз абыроймен аяқталды.
