ҰЙЫМҒА СТУДЕНТТЕРДІ ҚАБЫЛДАУ
Облыстық жастар ресурстық орталығында Қызылорда медициналық жоғары колледжі бөлімшесінің белсенділерімен кездесу өткізілді. Кездесуге Қызылорда студенттері Альянсының төрағасы Р. Базарханұлы, бөлімше төрағасы Дарын Нұрланұлы мен ұйым студенттері қатысты.
Кездесудің мақсаты – ұйым қатарына студенттерді қабылдау, алдағы жоспарлар мен міндеттерді нақтылау және де студенттердің ұсыныс-пікірлерін жинақтау.
Шара барысында жаңадан қосылған студенттерге ұйым туралы ақпараттар беріліп, студенттермен танысу мақсатында үстел ойындары өткізілді. Сондай-ақ, қоғамдық жұмыстар мен белсенді студенттік өмірдің ұтымды тұстары туралы айтылды.
