КЕЗДЕСУ КӘСІПКЕРЛІККЕ АРНАЛДЫ
Қызылорда медициналық жоғары колледжінде «Әлеуметтік-экономикалық» пәндер бірлестігінің апталығы аясында «Кәсіпкерлік және кәсіпкерлік бағдар» атты дөңгелек үстел болып өтті.
Мақсаты: Қызылорда облысындағы кәсіпкерлік тенденциясы мен медициндадағы кәсіпкерлік іс-қимылдың заманауи тәжірибесі туралы пікір алмасу және білім алушылардың қаржылық сауаттылығын арттыру.
Дөңгелек үстелге «Сырдария ауданының кәсіпкерлік, өнеркәсіп және туризм» бөлімінің басшысы Сәдуақасов Алмат Сансызбайұлы қатысты.
Студенттерге қаржылық сауаттылық, бизнесті бастау және дамыту бағытында мемлекет тарапынан кәсіпкерлікті қолдау іс-шаралары, мемлекеттік бағдарламалар, жеңілдетілген несиелер, кәсіпкерліктің тиімді жақтары мен қажеттілігі, сонымен қатар Сырдария ауданындағы кәсіпкерлік субъектілері туралы көптеген мәлімет берді. Дөңгелек үстел барысында студенттер өз ойларында жүрген сұрақтарын қойып нақты жауаптарын алды
