ӨМІРІҢ – ЕҢ ҚЫМБАТ ҚАЗЫНА
Колледж педагог-психологы Жәрімбетова Ақбота Жұмағалиқызы білім алушыларға суицид және оның себептері туралы ақпарат беріп өтті. Суицид – адамның өз өмірін өз еркімен қию әрекеті. Бұл мәселе жеке адамның ішкі психологиялық күйзелісі, ауыр психикалық жағдайы, қиындықтар мен өмірлік дағдарыстардан туындайды. Суицидке бару – адамның өз өмірін аяқтауға қатысты үмітсіздік сезімін бастан өткеруінің нәтижесі болуы мүмкін екендігін атап өтті.
Суицидтің себептері әртүрлі болуы мүмкін, мысалы:
1. Психикалық аурулар– депрессия, шизофрения, биполярлы бұзылыс және басқа психикалық аурулар.
2. Өмірлік қиындықтар– отбасылық мәселелер, қаржылық қиындықтар, жеке өмірдегі жоғалту немесе қысым.
3. Жеке сезімдер– үмітсіздік, жалғыздық, әлеуметтік қысым, өзін-өзі бағалаудың төмендеуі.
4. Өткен травмалар– зорлық-зомбылық, физикалық немесе сексуалдық күш көрсету, ауыр психологиялық жарақат.
Суицид – бұл ауыр мәселе екендігі, сондықтан оған қатысты жан-жақты көмек, түсіністік пен қолдау қажет екенін ерекше атап өтті. Суицидтің алдын алу үшін, адамға психологиялық көмек көрсету, оның мәселелерін тыңдап, қолдау көрсету маңызды екендігі туралы ақпарат берді.
