«ТАЗА ҚАЗАҚСТАН» АКЦИЯСЫ
«Жастар Рухы» ЖҚ Қызылорда облыстық филиалы мен Қызылорда медициналық жоғары колледжінің ұйымдастыруымен «Таза Қазақстан» акциясы аясында Сол жағалауға өтетін аспалы көпір астындағы Сырдария өзенінің жағасында тазалық жұмыстары жүргізілді.
Шара барысында «Вандализмге жол жоқ!» және «Есірткіге жол жоқ!» акциялары да өтті.
Акцияны «AMANAT» партиясы облыстық филиалының төрағасы Жандос Базартай ашып, тазалық мәдениетін қалыптастырудың маңызын атап өтті.
Сондай-ақ облыстық Есірткі қылмысына қарсы іс-қимыл басқармасының жедел уәкілі Ахмет Темірхан Асхатұлы жастар арасындағы өзекті мәселелерді сөз етті.
Шараға 100 белсенді қатысып, өзен жағасын тазалап, граффити жазбаларын жойды.
