Қызылорда медициналық колледжінде маңызды тренинг өтті
Қызылорда медициналық колледжінде маңызды тренинг өтті
Өрт сөндіру бөлімі мамандарына арналған «Алғашқы медициналық көмек көрсету негіздері-парамедик дайындау» атты семинар-тренинг өтті. Оған Қызылорда облысы төтенше жағдайлар департаментінің мамандары қатысты.
Тренинг барысында термиялық және химиялық күйіктер, үсік, электр жарақаты, суға бату, сүйек сынулары, уланулар, сондай-ақ жүрек-өкпе реанимациясы (СЛР) бойынша негізгі алғашқы көмек дағдылары үйретілді.
Бұл оқу үдерісін:
Ибраев Бекнұр Бектемірұлы – травматолог
Бердекешова Гүлнар Алтаевна – халықаралық стандарттар бойынша СЛР нұсқаушысы, тренер дәрігерлер жүргізді.
Қатысушылар төтенше жағдайларда жедел және дұрыс әрекет ету тәсілдерін жетілдіріп, маңызды практикалық тәжірибе алды.
Қауіпсіздік – бәріміз үшін басты міндет!
Мұндай оқытулар мамандардың кәсібилігін арттырып, адам өмірін құтқаруда шешуші рөл атқарады. Семинар соңында қатысушыларға сертификат берілді.
