«Пациенттің өмірлік көрсеткіштерін бақылауда жасанды интеллекттің рөлі» тақырыбында үйірме жұмысы аясында ақпараттық-акциялық іс-шара ұйымдастырылып, қатысушыларға арнайы брошюралар таратылды.
Брошюраларда жасанды интеллекттің медицина саласындағы маңызы, пациенттің жүрек соғысы, қан қысымы, дене температурасы және тыныс алу жиілігі сияқты өмірлік көрсеткіштерін үздіксіз бақылаудағы артықшылықтары туралы кеңінен ақпарат берілді. Сонымен қатар, заманауи технологиялардың ауруларды ерте анықтаудағы, дәрігерлердің жұмыс тиімділігін арттырудағы және пациент қауіпсіздігін қамтамасыз етудегі рөлі түсіндірілді.
Іс-шараны үйірме жетекшілері Жумагулова Салтанат Бакытовна және Қындыбай Айгерім Ерболқызы ұйымдастырып, қатысушылармен тақырып аясында пайдалы ақпараттармен бөлісті.
Акция барысында студенттер медицинадағы инновациялық технологияларға қызығушылық танытып, өз пікірлерін ортаға салды. 
