25 қазан – Республика күніне орай, волейболдан турнир
Колледжіміздің қолдауымен 25 қазан – Республика күніне орай, Қазақстан студенттерінің Альянсы бөлімшелерінің арасында және Қазақстан студенттері Альянсының Қызылорда медициналық жоғары колледжі бөлімшесінің ұйымдастыруымен 4 оқу орны арасында волейболдан турнир өтті.
Турнирдің мақсаты: Қызылорда қаласындағы “М.Мәметова атындағы Қызылорда педагогикалық жоғары колледжі”, “Қорқыт Ата атындағы Қызылорда университеті”, “Болашақ университетінің жоғары колледжі” студенттері арасында волейбол спортын насихаттау және қатысушылардың шеберліктерін дамыту, спорттық жарыс арқылы командалар арасында достық пен ынтымақтастықты нығайту,салауатты өмір салтын насихаттау болып табылады.
Турнир нәтижесінде Қорқыт Ата университетінің командасы бас жүлде кубокқа ие болды. Команданың шебер ойыншыларына номинациялар мен “Алғыс” хаттар табысталды.
Алдағы уақытта спорттың басқа да түрлерінен осындай жолдастық жарыстар ұйымдастырылып, өткізілетін болады.
