Қызылордада ДДҰ-ның Арал теңізі мәселелері жөніндегі өңірлік офисі ашылады
Бүкіл Арал өңірі үшін маңызды оқиға ДДҰ, БҰҰ, сондай-ақ Қазақстан, Өзбекстан және Қарақалпақстан өкілдерінің қатысуымен өткен кеңестің қорытындысы бойынша Қызылордада Дүниежүзілік денсаулық сақтау ұйымының Өңірлік офисін ашу туралы шешім қабылданды.
Бұл шешім бізге экологиялық өзгерістерге және олардың адам денсаулығына әсеріне байланысты мәселелерді жүйелі және халықаралық деңгейде шешуге мүмкіндік береді.
Кездесудің негізгі келісімдері:
Қызылордада ДДҰ офисін ашу;
мемлекетаралық деңгейде Іс-қимылдың Жол картасын дайындау;
2026 жылы ДДҰ сәуір саммитіне Арал бойынша қаулы шығару.
Арал – бұл өткен ғасырдағы экологиялық дағдарыс қана емес, сонымен қатар біз бүгін кездесетін қиындықтар: шөлейттену, улы шаң, климат пен экожүйенің өзгеруінен туындаған аурулар.
Бірақ оң өзгерістер де бар. Соңғы жылдары теңіздің солтүстік бөлігінің кебуін тоқтатуға қол жеткізілді, көгалдандыру белсенді жүргізілуде және халықтың денсаулығын жақсарту бойынша жобалар енгізілуде.
Қазақстан Аралды құтқару бойынша біріккен күш-жігердің орталығы болуға дайын.
