(KAZ) СТУДЕНТТЕР ҚАТАРЫНА ҚАБЫЛДАУ РӘСІМІ ӨТТІ
Sorry, this entry is only available in KAZ and RUS.
15.11.2024жылы І курсқа түскен білім алушыларымызды студенттер қатарына қабылдау рәсімі өтті. Шара барысында колледж директоры Калмакова Жанар Амангелдіқызы алғы сөз сөйлеп, медициналық мамандыққа ден қойып, білім аламын деп келген жас өрендерді жақсы оқуға, мықты маман болуға шақырып, студенттік өмірлеріне сәттілік тіледі.
Шара барысында Жанар Амангелдіқызы 22 оқу топтарының кураторлары мен топ старосталарына білім алушылардың сынақ кітапшасы мен студенттік билетін табыстады. 4 курстың үлгілі студенті Қасымхан Нұрай І курстарға БІЛІМ КІЛТІН тапсырды.
Айта кетейік, ағымдағы жылы оқу орнымыздағы барлық мамандықтарға 500-ге жуық білім алушы қабылданды.
Шара соңы көңілді музыкалық ән-шашуға жалғасты.
