(KAZ) «БІЛІМ — КӘСІБИЛІК — ИННОВАЦИЯ»

Sorry, this entry is only available in KAZ and RUS.

Бүгін Қызылорда медициналық жоғары колледжінде «Білім-Кәсібилік-Инновация» -атты ашық есік күні өтті. Ашық есік күніне келген сала мамандары мен ардагерлері арнайы атаулы кабинеттердің тұсау кесу рәсіміне қатысты. Заманауи құрал жабдықтармен қамтамассыз етілген терапия мейіргер ісі, акушерлік, педиатрия , хирургия саласының ардагерлеріне және ардагер ұстаз Ахметулла Шарапатұлына арналған атаулы кабинеттерді көрді.

Ашылу салтанатында сөз алған Облыстық денсаулық сақтау басқармасының басшысы Олжас Ермекұлы облыс әкімі Нұрлыбек Мәшбекұлының салаға қолдауы айрықша екенін айттып, медицина мамандарын даярлауға ерекше көңіл бөлініп жатқанын жеткізді. Облыстық білім басқармасының басшысы Асқарбек Темірбекұлы медицина мамандарын даярлаудағы жаңашылдықтарға оң бағасын берді. Колледж директоры Жанар Амангелдіқызы «Қызылорда медициналық жоғары колледжіндегі Білім-Кәсібилік-Инновация» тақырыбында баяндама жасады. Мұнан соң Қазақстан Республикасы Денсаулық сақтау ісінің Үздігі, Құрмет орденінің иегері Көзденова Рая Әбдешқызын бүгінгі 79 жасқа толған туған күнімен шәкірттері Олжас Ермекұлымен Жанар Амангелдіқызы құттықтап, құрмет білдірді.

Білім ордасында бүгінде 2840 студент білім алуда. Колледж студенттері «Ерте жүктіліктің алдын алу» «Психобелсенділік заттарды қолданудың алдын алу» «Қант диабеті кезінде мейіргерлік үрдісті ұйымдастыру» «Инсультті қалай анықтауға болады» тақырыбында іс машықтарын көрсетіп шеберлік сабақтарын өтті.

Ашық есік күніне келушілер виртуалды оқу кабинеттерімен танысып, VR – жаттығу құралдары бар, AcademiX VR виртуалды оқу кабинеті, AcademiX 3D тренажерлері бар, Пирагов интерактивті анатомиялық үстелі бар виртуалды оқу кабинетін аралап көрді.

Қызылорда облысында өсетін дәрілік шөптер жылыжайының жұмысымен танысты. Стиммуляциялық бекеттермен танысып, «Процедуралық дағдылар» бекеті «Жүрек кенеттен тоқтаған кезде», «Шоктар кезіндегі көмек», «Коммуникативтік дағдылар», «Жарақаттар кезінде» ауруханаға дейінгі көмек көрсету бекеттерін аралап көрді.

Ашық есік күні колледждің бүгінгі және әржылғы түлектерінің концерттік бағдарламасымен аяқталды