(KAZ) Шымкент қаласындағы химия-фармацевтикалық зауытында кездесу өтті
Sorry, this entry is only available in KAZ and RUS.
Шымкент қаласындағы химия-фармацевтикалық зауыты — Қазақстанның ұлттық химия-фармацевтика өндірісінің көшбасшысы. Шымкент химфарм зауытының «Santo» халықаралық сауда белгісімен өндірілетін дәрі-дәрмектері бүгінгі күні Ресей, Қырғызстан,Тәжікстан, Түрікменстан және Моңғолия секілді бес елдің нарығына экспортталады.
Қызылорда медициналық жоғары колледж директоры Қалмакова Жанар Амангелдіқызы Шымкент қаласындағы химия-фармацевтикалық зауыт директоры Байгарин Рустам Шамилұлымен кездесті. Тараптар екі жақты келісімді жандандырып, академиялық ұтқырлық бағдарламасын дамыту тақырыбын талқылады.
Кездесуге Шымкент қаласындағы фармацевтикалық және медициналық ұйымдар қауымдастығының Төрайымы Хадиша Альжанова,
Германиядан келген эксперт, фармацевт Конинг Тобиас және колледж окытушысы, фармацевт, Мақсат Жетпіс қатысты.
Зауыт директоры білім алушылардың өндірістік іс-тәжірбиеден өтуіне қолдау білдіретінін айтты. Мамандары отандық дәрілік ресурстардың негізінде бірқатар түпнұсқа дәрілік препараттар әзірленетін және шығарылатын бірегей кәсіпорынның заманауи технологиямен жабдықталған жұмысымен таныстырды.
