(KAZ) Қызылорда медициналық жоғары колледжінің студенттері халықаралық тәжірибеде!
Sorry, this entry is only available in KAZ and RUS.
Қызылорда медициналық жоғары колледжінің 5 студенті “Академиялық ұтқырлық” бағдарламасы бойынша Түркияның Стамбул қаласындағы Бируни Университеті Клиникасында өндірістік практикадан өтуде. Практика Turan Health компаниясының ұйымдастыруымен жүзеге асырылып, екі аптаға жалғасады.
Практиканың алғашқы күні студенттерді клиниканың Халықаралық науқастар департаментінің директоры мен бас мейіргері қарсы алды. Олар студенттерге клиниканың қызметі, халықаралық стандарттарға негізделген жұмыс жүйесі, мейіргерлерге арналған тұрақты оқыту бағдарламалары, семинарлар мен ғылыми-зерттеу жұмыстары туралы жан-жақты ақпарат берді.
Клиника халықаралық стандарттар бойынша жұмыс істейтіндіктен, қауіпсіздік департаментінің мамандары студенттерді науқас қауіпсіздігін қамтамасыз ету қағидаларымен таныстырды. Сонымен қатар, клиниканың әр бөлімінің басшылары өз бөлімдерінің қызметі мен ерекшеліктерін таныстырып, тәжірибе барысында атқарылатын жұмыстар жөнінде мәлімет берді.
Практика кезеңінде студенттерді клиниканың білім беру бағыты бойынша жауапты мейіргер жетекшілік етеді. Студенттер аудармашымен қамтамасыз етілген. Сондай-ақ алдағы уақытта оларды Бируни университетінің білім беру жүйесімен таныстыру жоспарланып отыр.
Бұл халықаралық тәжірибе студенттердің кәсіби дағдыларын жетілдіруге, заманауи медициналық технологиялармен танысуына және шетелдік әріптестердің тәжірибесін меңгеруіне үлкен мүмкіндік береді.
Болашақ медицина мамандарына сәттілік тілейміз!
