(KAZ) Жаңа ортаға бейімделу: 1-курс студенттеріне психологиялық қолдау көрсетілді

Sorry, this entry is only available in KAZ and RUS.

Қызылорда медициналық жоғары колледжінде 14.09–19.09.2025 аралығында 1-курс білім алушыларына арналған «Білім алушының колледжге әлеуметтік-психологиялық бейімделуі» тақырыбында психологиялық ағартушылық жұмыстары өтті.

Колледж психологтары А.Б. Бохаева мен Г.А. Нуратова ұйымдастырған шараның басты мақсаты – студенттердің жаңа ортаға үйренуіне көмектесу, тұлғааралық қарым-қатынасты дамыту және эмоционалдық тұрақтылықты қалыптастыру.

Кездесу барысында студенттер келесі маңызды тақырыптармен танысты:

• Колледж ортасына бейімделу ерекшеліктері;

• Стресс пен алаңдаушылықты басқару тәсілдері;

• Тиімді қарым-қатынас орнату жолдары;

• Буллинг пен кибербуллингтің алдын алу;

• Өзін-өзі тану және өзін-өзі реттеу дағдылары.

Шара аясында ерекше қызығушылық тудырған «Тығырықтан жол табу» тренингі өткізілді. Оның мақсаты — қатысушыларды өмірлік немесе кәсіби тығырықтардан (кризис) жол табуға, стресске төтеп беруге, проблеманы терең талдауға және тиімді шешім қабылдауға үйрету болды.

Іс-шара нәтижесінде студенттер арасында ашықтық, сенімділік пен өзара түсіністік орнап, қажетті психологиялық қолдау көрсетілді. Студенттерімізге жаңа оқу жылында сәттілік тілейміз!