(KAZ) Құқықтық сауаттылық – заман талабы

Sorry, this entry is only available in KAZ and RUS.

Бүгін колледжімізде білім алушыларға арналған құқықтық сауаттылық тақырыбында мазмұнды кездесу өтті.

Кездесуге Амангельды Қалыбек — МҚТУ докторанты, «Әділдік Жолы» ҚБ Түркістан облысы бойынша экс-жетекшісі және Ерасыл Төлебаев — ҚР Президенті жанындағы Мемлекеттік басқару академиясының және Ұлттық корпоративтік басқару академиясының лекторы, «Право Выбора» ҚБ директоры арнайы қонақ ретінде қатысты.

Дәріс барысында студенттерге адам құқықтарының негіздері, азаматтық белсенділік, жергілікті өзін-өзі басқару және жастардың саясатқа қатысуы туралы жан-жақты ақпарат берілді. Спикерлер жастарды өз құқықтарын білуге, азаматтық белсенді болуға және қоғамдық өмірге белсене араласуға шақырды.

Кездесу соңында студенттермен кері байланыс жүргізіліп, белсенділік танытқан жастарға арнайы сыйлықтар табысталды.