(KAZ) «Үздік 100 колледж студенті» байқауына үміткер анықталды!
Sorry, this entry is only available in KAZ and RUS.
Кеше колледжімізде Қазақстан Республикасы Оқу-ағарту министрлігінің ұйымдастыруымен өткен «Қазақстан Республикасы колледждерінің үздік 100 студенті» байқауының колледжішілік кезеңінде үміткерлер анықталды.
Байқау ережесіне сәйкес, келесі санаттағы студенттер қатысады:
қоғамдық бірлестіктердің мүшелері;
студенттік өзін-өзі басқару және еріктілер қозғалысының белсенділері;
аймақтық және халықаралық WorldSkills чемпионаттарының, кәсіби шеберлік байқауларының қатысушылары мен жеңімпаздары;
ғылыми конференциялар, олимпиадалар және түрлі байқаулардың жеңімпаздары;
мемлекеттік жастар саясаты аясындағы бағдарламаларға қатысушылар;
шығармашылық ұйымдардың өкілдері;
жобалар, инновациялық идеялар және стартап-жобалардың авторлары.
Осы талаптар бойынша бақ сынаған 5 білім алушының арасынан «Мейіргер ісі» мамандығының 3-курс студенті, М23 тобының білім алушысы Ұлықбаш Жаннұр Кенжебайқызы жеңімпаз атанып, байқаудың өңірлік кезеңіне жолдама алды. 
Жаннұрды жеңісімен құттықтай отырып, алдағы кезеңдерде де үздік нәтиже көрсетіп, оқу орнымыздың абыройын асқақтата береді деп сенеміз!
Сәттілік тілейміз!
